Qazaqstan Prezidenti Qasym-Jomart Toqaev Qostanaidaǵy qazaq mektebine qatysty máseleni jańa oqý jylyna deiin sheshýdi tapsyrdy, dep habarlaidy "Ult aqparat".
Buǵan deiin BAQ-ta Syrbai Máýlenov atyndaǵy №24 bastaýysh mektepti Borodin kóshesindegi burynǵy Qostanai kásiptik-tehnikalyq kolledjiniń ǵimaratyna kóshirgeli jatyr degen aqparat taraǵan bolatyn. Al mekteptiń ǵimaratyn balabaqshaǵa ainaldyrý josparlanǵan eken. Alaida oqýshylardyń ata-analary jergilikti biliktiń bul bastamasyna qarsy shyqty.
Osydan keiin Memleket basshysy Bilim jáne ǵylym ministri men oblys ákimine máseleni sheshýdi tapsyrdy.
"Jergilikti turǵyndardyń pikirine qaraǵanda, Qostanaidaǵy qazaq tilinde bilim beretin jalǵyz mektepke qatysty kúrdeli jaǵdai qalyptasyp otyr. Bilim ministri jáne oblys ákimi barlyq máseleni jańa oqý jylyna deiin sheshýi tiis", - dep jazdy Toqaev tvitterdegi paraqshasynda.
Aita ketsek, buǵan deiin qostanailyq ata-analar qazaq tilinde bilim beretin jalǵyz mekteptiń jai-kúii nashar ekenin aityp shaǵymdanǵan bolatyn.
