Jarylys 17 maýsym kúni saǵat 12:00-de Qostanaidaǵy Lermontov jáne Baimaǵambetov kósheleri aýmaǵyndaǵy tehnikalyq qyzmet kórsetý stantsiiasynda gaz jabdyǵyn ornatqannan keiin bolǵan, dep habarlaidy Sputnik.
Tótenshe jaǵdailar komitetiniń málimetinshe, eki qabatty ǵimarat tolyǵymen qirap qalǵan. Jeti adam zardap shekken, onyń altaýy aýrýhanaǵa jetkizildi.
Zardap shekken bir adamǵa Apattar meditsinasy ortalyǵynyń qyzmetkerleri alǵashqy meditsinalyq kómekti kórsetti.
"Oqiǵa ornynda jedel shtab quryldy. Gazben jabdyqtaý jáne elektr qýaty ýaqytsha ajyratyldy. Órt sóndirý bólimi jalyndy saǵat 12:47-de oqshaýlady. Saǵat 13:24 toǵyz gaz ballon qaýipsiz jerge shyǵaryldy", - dep jazylǵan Tótenshe jaǵdailar komiteti taratqan habarlamada.
Oqiǵa saldaryn joiýǵa 98 adam men 30 tehnika jumyldyryldy.
