Jitiqara politseileri er adamdy óltirdi degen kúdikpen eki adamdy ustady, dep habarlaidy QazAqparat oblystyq politsiia departamentiniń baspasóz qyzmetine silteme jasap.
14 qarasha kúni Jitiqara aýdanynyń politsiia bóliminiń «102» pýltine órt sóndirýshilerden úidegi órtti sóndirý kezinde belgisiz er adamnyń denesi tabylǵany týraly habar tústi.
«Oqiǵa ornyna jedel tergeý toby jiberildi. Ol jerden politseiler kúiip ketken er adamnyń denesin tapty. Qyzmetkerler onyń 33 jastaǵy Jitiqara qalasynyń turǵyny ekenin anyqtady. Sot-meditsinalyq saraptamanyń qorytyndysy er adamnyń denesinde adam ómirine qaýipti dene jaraqattary bar ekenin kórsetti», - dep túsindirdi politsiiadan.
Vedomstvo sot aldy tergeýdiń basqa derekteriniń QR Qylmystyq is júrgizý kodeksiniń 201-babyna sáikes jariialanbaitynyn málim etti.
