Foto: videodan alynǵan kadr
Qostanaida taksi júrgizýshisin pyshaqpen qorqytqan er adam "izin sýytpai" ustaldy.
Oblystyq Politsiia departamenti oqiǵanyń mán-jaiyn baiandady, - dep habarlaidy "Ult aqparat" Polisia.kz Telegram-arnasyna silteme jasap.
7 qańtarǵa qaraǵan túni Rýdnyi qalasynyń eki turǵyny oblys ortalyǵyna taksimen barǵan. Jolaýshylardyń biri qalaǵa kireberiste taksi júrgizýshisiniń moinyna pyshaq taqap, aqsha talap etip, ony basqa eldi mekenge jetkizsin degen. Al taksi júrgizýshisi politseilerdiń qyzmettik kóligin kórip, nazaryn aýdarý úshin ádeii soqtyǵysqan. Osy sátti paidalanyp, ol qaýipsiz qashyqtyqqa qashyp ketken. Sol kezde kúdikti oqiǵa ornynan jasyrynýǵa tyrysqan. Biraq patrýldik politseiler ony tez arada ustaǵan.
"Tonaýǵa oqtalý" faktisi boiynsha sotqa deiingi tergeý bastaldy.
Er adam ýaqytsha ustaý izoliatoryna qamaldy. Ol tórt jylǵa deiin bas bostandyǵynan aiyrý jazasymen qylmystyq jaýapkershilikke tartylady" - delingen habarlamada.
Vedomstvo qaqtyǵys nátijesinde eshkim zardap shekpegenin atap ótti. Qyzmettik avtokólikke eleýsiz materialdyq zalal keltirilgen.
