Qostanaida vaktsinatsiia pasporttaryn «satqan» eki er adam ustaldy, dep habarlaidy Polisia.kz.
Jedel-izdestirý sharalary barysynda kriminaldyq politsiia basqarmasynyń qyzmetkerleri Qostanai qalasynyń 27 jastaǵy eki turǵynyn anyqtady.
Olar óz paidasy úshin COVID-19 vaktsinatsiia pasportyn satýmen ainalysqan.
Ózderiniń aitýynsha, shilde aiynda Telegram áleýmettik jelisinde arnaiy akkaýnt ashqan.
Sodan keiin klientterdi izdeý úshin olar barlyq áleýmettik toptarǵa vaktsinatsiia pasportyn istei alatyny týraly jarnama tarata bastaǵan.
«Tilek bildirýshiler» aldyn ala tólemdi bóten adamǵa rásimdelgen ekinshi deńgeidegi bank kartalaryna aýdarǵan.
300 myń teńgeden astam aqsha erlerdiń jeke qajetine jumsalǵan.
Biraq olardyń aitýynsha, qujattardy eshkim almaǵan, olar klientterdi buǵattap otyrǵan.
Sonymen qatar qazirgi ýaqytta jedel ýákilder vaktsinatsiia pasportyn zańsyz jolmen alǵysy kelgen adamdardy anyqtaý boiynsha tergeý áreketterin júrgizýde.
Atalǵan fakti boiynsha Qylmystyq kodekstiń 190-babynyń 2-bóligimen tirkelgen sotqa deiingi tergeý amaldary júrgizilýde.
Politsiia qyzmetkerleri azamattarǵa zańǵa qaishy keletin áreketter úshin zańmen qylmystyq jaýapkershilik qarastyrylǵanyn eske salady.
