Foto: ©️ Tengrinews.kz
Qostanaida burynǵy sýdia toǵyz jylǵa sottaldy, - dep habarlaidy Tengrinews.kz saity.
Qostanai oblystyq sotynyń ákimshilik ister jónindegi alqasynyń burynǵy tóraǵasy Asqar Darbaev 19 million teńge kóleminde para alý deregi boiynsha sottaldy.
Úkim Qostanaidyń № 2 sotynda jariialandy, otyrys ashyq rejimde ótti. Aiyptalýshylar oryndyǵynda kásipker Eljas Qalqaev ta boldy. Is materialdaryna sáikes, burynǵy sýdia ol arqyly basqa kásipkerden para alǵan.
Jaryssózde prokýror burynǵy sýdiany 10 jylǵa bas bostandyǵynan aiyrýdy surady.
"Qazaqstan Respýblikasy Qylmystyq kodeksiniń 366-baby 3-bóligi 3-tarmaǵynda kózdelgen qylmystyq quqyq buzýshylyq jasaǵany úshin kináli dep tanylsyn jáne memlekettik qyzmette, sýdia, jergilikti ózin-ózi basqarý, QR Ulttyq Bankinde laýazymdardy atqarý quqyǵynan ómir boiyna aiyra otyryp, 9 jylǵa bas bostandyǵynan aiyrý jazasy taǵaiyndalsyn. Darbaevqa jazasyn óteý ortasha qaýipsizdik qylmystyq-atqarý júiesi mekemesinde belgilensin", - dedi úkimdi jariialaǵan Qostanai qalasynyń № 2 sotynyń sýdiasy Merei Amanjolov.
Kásipker Eljas Qalqaevqa sot bir jylǵa bas bostandyǵynan aiyrý jazasyn taǵaiyndady. Oǵan sot zalynda kisen salyndy.
Sot úkimi zańdy kúshine engen joq.
