Foto: © Sputnik
Qostanaida jarysqa barmaǵan balalarǵa jalǵan qujat jasalǵan, dep habarlady Sputnik Qazaqstan "Alaý" aqparattyq portalyna silteme jasap.
Prokýratýranyń málimetinshe, jattyqtyrýshylar balalardyń jarystarǵa jáne oqý-jattyǵý jiyndaryna barǵany týraly qarjylyq esepterdi jalǵan rásimdep, berilgen aqshany qaltasyna basyp otyrǵan. Urlanǵan aqshanyń jalpy somasy – 6 million teńge.
Qylmystyq shema áshkerelendi.
Úsh jattyqtyrýshy senip tapsyrylǵan qarajatty iemdendi degen aiyppen sotqa tartyldy. Olar kinásin tolyq moiyndap, shyǵyndy ótegen.
Eki jattyqtyrýshyǵa qatysty taraptardyń ózara tatýlasýyna bailanysty qylmystyq is toqtatylǵan.
Al úshinshi jattyqtyrýshy shartty túrde 3 jyl 6 aiǵa bas bostandyǵynan aiyryldy, óitkeni urlyq áreketiniń aýqymy aýyr qylmys retinde eseptelgen.
Úkim zańdy kúshine endi.
