Qostanaida «AMANAT» partiiasynyń kandidattary erekshe qajettiligi bar jandar máselesin talqylady

Búgin «AMANAT» partiiasynyń front-keńsesinde «Kedergisiz keleshek» partiialyq jobasy aiasynda kandidattar múmkindigi shekteýli jandarmen kezdesý ótkizdi. 

Óz kezeginde kandidattar azamattardyń máselelerin tyńdap, partiianyń sailaýaldy baǵdarlamasy aiasynda atqarylatyn isterge toqtaldy. Kandidattyń aitýynsha, partiianyń kómegimen erekshe qajettilikteri bar keminde 1 myń adam jumysqa ornalastyrylatyn bolady.

– «Ádil áleýmettik saiasatty júzege asyrý – partiia qyzmetiniń basym baǵyty. Barlyq azamattar áleýmettik qyzmetterge teń qol jetkizýi kerek. Bul memlekettiń, jumys berýshilerdiń jáne azamattardyń ortaq jaýapkershiligi arqyly qamtamasyz etilýi tiis. Osy maqsatta «AMANAT» partiiasy 100 bilim berý nysanyn beiimdeýge, psihologiialyq-pedagogikalyq túzetý úshin 3 kabinet ashylady. Partiia Erekshe qajettilikteri bar keminde 100 balany arnaiy psihologiialyq-pedagogikalyq qoldaýmen qamtýǵa úles qospaq», - dedi kandidat Asylan Dabylov. 

Depýtattyqqa úmitker Arýna Jaqsyǵulova azamattarǵa keńes berip, «Kedergisiz keleshek» partiialyq jobasy sheńberinde atqarylyp jatqan jumystarǵa toqtaldy. 

– «Joba sheńberinde Qostanai oblysynda kóptegen kúrdeli máseleler sheshimin taýyp keledi. Máselen, áleýmettik mańyzy bar nysandardyń múgedek jandar úshin qoljetimdiligin qamtamasyz etý udaiy partiia baqylaýynda» - dedi A. Jaqsyǵulova. 

Sailaýaldy baǵdarlama boiynsha qoǵamdyq birlestiktermen jáne jumys berýshilermen birlesip «múgedek adamdardy jumyspen qamtý deńgeiin arttyrý rezervteri» jobasy iske asyrylatyn bolady.

Nátijesinde balalardy inkliýzivti bilimmen qamtý 55%-ǵa deiin, arnaiy psihologiialyq-pedagogikalyq qoldaý jáne erte túzetý 50-den 58%-ǵa deiin ulǵaiady, dene shynyqtyrýmen jáne sportpen júieli túrde ainalysatyn erekshe qajettilikteri bar turǵyndardyń úlesi artady.

Qatysýshylar taqyrypqa sai ózekti máselelerdi kóterdi. Onyń ishinde múgedek balalardyń bilim alýy, arnaýly ortalyqtardyń jetispeýshiligi sóz boldy.  

Sharaǵa qatysqan azamattardyń suraqtarynyń barlyǵyna jaýap berilip, máselesi sheshilgenge deiin partiianyń baqylaýynda bolatyndyǵy aityldy.

Qostanai oblystyq máslihaty depýtattarynyń sailaýynda partiialyq tizimdi usynǵan "AMANAT" partiiasy sailaý qorynyń qarajatynan tólendi