Foto: Polisia.kz
Qostanai oblysynda ýchaskelik politsiia 84 jastaǵy zeinetkerdi kólden alyp shyqty. Alaida keiin keiýana qaitys boldy, - dep habarlaidy "Ult aqparat" IIM baspasóz qyzmetine silteme jasap.
Oqiǵa búgin, 18 qarashada Áýliekól aýdanynda bolǵan. Tańerteń 102 telefonyna Amanqaraǵai kentiniń turǵynynan sý aidyny jaqtan kómek surap turǵan qatty daýystyń estilgeni týraly qońyraý túsken.
Bul habarlamany estip, ýchaskelik politsiia inspektory Ǵabit Baijanov dereý kólge kelgen. Qatty jel soqqandyqtan, ol kómekke shaqyrǵan daýysty durys estimegen. Jaǵadan ótip bara jatqan politsiia qyzmetkeri dybys kóldiń ortasynan shyǵyp jatqanyn túsinip, birden kiimimen sýǵa sekirgen.
Ǵabit Baijanov áieldi jaǵaǵa súirep aparǵan, oǵan jaqyn turǵan aýyldastary da kómektesken.
"Olar keiýanany úige jetkizip, jedel járdem shaqyrdy. Al jedel járdem qyzmetkerleri ony aýrýhanaǵa jetkizdi.
Ókinishke qarai, keiinirek dárigerler áiel aýrýhanada qaitys boldy dep habarlady.
Ony sýdan shyǵarǵan politsiia qyzmetkeri men aýyldastary sońyna deiin bári jaqsy aiaqtalady dep úmittendi.
Qazir qart kisiniń kóldiń ortasynda qalai jetkeni anyqtalyp jatyr" - delingen habarlamada.
