Foto: Stan.kz
Jitiqarada órt saldarynan bes balasynan aiyrylǵan anaǵa páter berilip, materialdyq kómek kórsetildi, dep habarlaidy Ult.kz “Informbiýro” baǵdarlamasyna silteme jasap.
Qaiǵyly oqiǵadan keiin arnaiy qurylǵan mobildi top kópbalaly jáne áleýmettik osal otbasylardy aralap, kómirqyshqyl gazyn anyqtaityn qurylǵylardy tekserip, túsindirý jumystaryn júrgizilgen.
Jitiqara aýdanynyń ákimi anaǵa materialdyq kómek kórsetilip, ótemaqy tólengenin habarlady. Úlken ulymen úisiz qalǵan áielge, eki kásiporyn eki bólmeli páter syilaǵan. Sonymen qatar, turmystyq tehnika men jihazben qamtamasyz etilgen. Qazir otbasy músheleri tolyqqan. Ákesi jaqynda túrmeden bosatylǵan. Aýdan basshysy qaiǵyly oqiǵaǵa deiin otbasy áleýmettik qyzmetkerlerdiń baqylaýynda bolǵanyn, alaida ol jaǵdaiy jaqsy dep sanalǵanyn aitty. Anasy dúkende jumys istep, balalary mektepte oqyǵan.
Esterińizge sala keteiik, qaiǵyly oqiǵa qazan aiynda bolǵan. Órt kezinde tek 13 jastaǵy úlken bala ǵana aman qalǵan. Úide eresekter bolmaǵan. Aldyn ala boljam boiynsha, órtke murjadaǵy gaz ballony sebep.
