2021 jyly Qostanai qalasynyń irgesinde eki shaǵyn aýdan boi kóteredi. Bul týraly oblys ákimdiginiń qurylys, sáýlet jáne qala qurylysy basqarmasy basshysy Berik Tańjaryqov málim etti, dep habarlaidy "Ult aqparat".
Búginde Qostanai oblysynda 2020-2025 jyldarǵa arnalǵan «Nurly jer» memlekettik baǵdarlamasy aiasynda 379,3 myń sharshy metr turǵyn úidiń qurylysy bastaldy. Onyń ishinde 237,1 myń sharshy metr alqap kóppáterli turǵyn úi salýǵa arnalǵan.
«Jyl basynan beri barlyq qarjylandyrý kózderinen 1119 páter paidalanýǵa berildi. Biyl paidalanýǵa berilgen úiler sany 2019 jyldyń sáikes kezeńimen salystyrǵanda áldeqaida artyq. Máselen, biyl kommertsiialyq turǵyn úiler paida bolady. Jospar boiynsha mundai 551 páter turǵyzylady. Turǵyn úidiń eń kóp kólemi Qostanai qalasyna (61,4%) tiesili. «Nurly jer» baǵdarlamasyn iske asyrý úshin 2020 jyly biýdjetten 18,2 mlrd. teńge bólindi. Qostanai qalasynyń mańynan Qonai jáne Bereke shaǵyn aýdandary boi kóteredi. Qazir bul eldi mekendi sý qubyry, káriz, elektr, gazben jabdyqtaý jelileriniń qurylysy júrgizilýde. «Qonai» shaǵyn aýdanynda 30 bes qabatty úi bolady dep josparlap otyrmyz. Al «Bereke» shaǵyn aýdanynyń qurylys aýdany 100 gektarǵa jetedi. Munda 72 kóp qabatty úi nemese 6571 páter paidalanýǵa beriledi. Osylaisha, 2021 jyly qalanyń eki shaǵyn aýdanynyń turǵyn úi qurylysy tolyǵymen aiaqtalady», - dedi Berik Tańjaryqov.
Basqarma basshysynyń aitýynsha, biyl «Áýejai» shaǵyn aýdanynda kóp qabatty 4 turǵyn úi salynady. Al 2021 jyly 108 páterli taǵy bir kóp qabatty baspana el igligine beriledi. Sonymen qatar, «Iýbileinyi» shaǵyn aýdanynda biýdjet qarajatyna 6 úi jáne kommertsiialyq maqsatta 5 úi turǵyzylmaq.
Aita keteiik, oblysta kópbalaly otbasylardy turǵyn úimen qamtamasyz etý úshin 108 páter satyp alyndy.
