Qostanai oblysynyń diqandary astyq daqyldaryn tolyqtai jinady, dep habarlaidy oblys ákiminiń baspasóz qyzmeti.
Biyl óńirde jaýyn-shashyn uzaq ýaqyt bolmaýy jáne jazdaǵy aptap ystyq dándi daqyldardyń ósimi men jinaý kampaniiasyn kesheýildetti. Degenmen, aýyl sharýashylyǵyndaǵy tsifrlandyrý jáne agrotehnologiialardyń qoldanylýy arqyly jaǵdai jaqsardy. Atap aitqanda, ylǵaldy únemdeý ádisin engizýdiń arqasynda astyq kólemin jinaý byltyrǵy deńgeiinen asty. Oblystyń aýyl sharýashylyǵy qurylymdary 4,1 mln tonna kóleminde dándi daqyldardy jinady. Ónimdilik orta eseppen 10,2 ts/ga qurady, bul ótken jyldyń deńgeiinen joǵary.
«Jalpy jiyn-terim ótken jylǵy deńgeiden 1 mln tonnaǵa artyq. Jelilik astyq qabyldaý kásiporyndaryna 871 myń tonna dándi daqyl kelip tústi. Túsken bidaidyń 82%-y 3-sanatqa jatady, al 60%-dan astamynda 28 jáne odan joǵary paiyz gliýten bar. Oblysta óndiristi tsifrlandyrý, tehnologiialyq protsesterdi avtomattandyrý esebinen jumys istep turǵan qaita óńdeý kásiporyndary jańǵyrtylyp, jańa zamanaýi iri qaita óńdeý keshenderi engizilýde. Osyǵan bailanysty, 4,1 mln tonnadan astam ónimniń 60%-dan astamy qaita óńdeletin bolady, 1,2 mln tonna undy eksporttaý josparlanýda», delingen baspasóz habarlamada.
Qazirgi ýaqytta óńirdegi «Azyq-túlik korporatsiiasy» UK» AQ astyq tapsyrý boiynsha belsendi jumys júrgizýde. Kelesi jylǵa 530 myń tonna tuqym saqtalsa, 1 mln gektardan astam alqap rezervke alyndy.
