Óńirlik kommýnikatsiialar qyzmetinde Qostanai oblystyq sailaý komissiiasynyń múshesi Ásiia Dýanbaeva aýyl, kent jáne aýyldyq okrýg ákimderin sailaýdyń aldyn ala qorytyndysyn málim etti, dep habarlaidy "Ult aqparat".
Saǵat 20.00-de barlyq oblystyń 173 sailaý ýchaskesinde aýyl, kent, aýyldyq okrýg ákimderine kandidattarǵa daýys berý aiaqtalǵan.
«Sailaý ótkizý kezeńinde ýchaskelik sailaý komissiialarynyń 881 múshesi jumys istedi. Sailaý oblystyń 168 eldi mekeninde ótkizildi. Daýys berýdi uiymdastyrý kezinde sailaý zańnamasynyń saqtalýyn saiasi partiialar atynan 207 baiqaýshy, qoǵamdyq jáne kommertsiialyq emes uiymdardyń atynan 279 ókil baqylaý júrgizi», - dedi Ásiia Dýanbaeva.
Ásiia Dýanbaevanyń sózine qaraǵanda, ákim sailaýyna daýys berýge haqyly halyqtyń 84,4 paiyzy óz tańdaýyn jasaǵan.
«Qazirgi ýaqytta sailaý ýchaskelerinde daýystardy sanaý júrip jatyr. Sailaý týraly Konstitýtsiialyq zań boiynsha sailaý ýchaskesinde daýystardy sanaý ýaqyty sanaý ýaqyty 12 saǵattan aspaýy kerek. Aldyn ala qorytyndy boiynsha oblysta sailaýshylardyń kelýi 84,4 paiyz boldy»,- dep túiindedi Ásiia Dýanbaeva.
