Lisakovsk qalasyndaǵy bes qabatty turǵyn úiden órt shyǵyp, bir adam kóz jumdy, dep habarlaidy QazAqparat.
11 naýryz kúni saǵat 20:20-da Qostanai oblysy TJD órtke qarsy qyzmet pýltine Lisakovsk qalasyndaǵy bes qabatty turǵyn úiden órt shyqqany týraly habarlama kelip tústi. Oqiǵa ornyna kelgen órt sóndirýshiler avtosaty arqyly 5 adamdy qutqardy. Taǵy 20 adam evakýatsiialandy. Onyń ishinde tórteýi bala.
«Órt saǵat 22:15-te tolyǵymen sóndirildi. Oqiǵa ornynda 1968 jyly týylǵan er adamnyń máiiti tabyldy. 3 qabattaǵy páterde 1923 jyly týǵan áielge iis tiip, aýrýhanaǵa jetkizildi. Órttiń aldyn ala sebebi - temeki shegý kezinde otty abaisyz paidalaný», - delingen vedomstvonyń baspasóz habarlamasynda.
Órt sóndirýge Qostanai oblysy TJD jeke quramynan 14 adam jáne 3 órt sóndirý tehnikasy jumyldyryldy.
