Aqmola oblysynyń ákimi Ermek Marjyqpaev Tselinograd aýdanynda salynyp jatqan jańa úsh mekteptiń qurylys jumystarymen tanysty, dep habarlaidy "Ult aqparat" ákimdiktiń baspasóz qyzmetine silteme jasap.
Vedomstvonyń málimeti boiynsha, «Kazyna-SR» JShS óz qarajaty esebinen Qosshy aýylynda 400 orynǵa arnalǵan mekteptiń qurylysyn júrgizýde.
Mekeme direktory Saira Mataibaevanyń aitýynsha, 2017 jyldan qolǵa alynǵan bastapqy jobada 200 balaǵa arnalypty. Keiinnen aýyl mektepteriniń júktemesi joǵary ekendigin kórip, 400 oryndyq mektep salýǵa sheshim qabyldanǵan. Qazirgi kezde qurylys jumystarynyń 95 paiyzy oryndalǵan. Aimaq basshysy ǵimarattyń ishki jáne syrtqy kelbeti josparlarymen tanysty. Mektepte májilis zalynan bólek, kvorking ortalyǵy bar kitaphana, sondai-aq úzilis kezinde demalatyn oryndar bar.
Kezdesýde merdigerlermen memlekettik-jekeshilik seriktestigi sheńberinde odan ári áriptestikti damytý máselesi talqylady.
Sonymen qatar, Qosshy jáne Qoiandy aýyldarynda 1200 oqýshyǵa arnalǵan zamanaýi mekteptiń qurylysy júrip jatyr. Qosshydaǵy mekteptiń qurylysy biyl jazda bastaldy. Al, Qoiandy aýylyndaǵy mekteptiń ishki árileý jumystary qolǵa alynǵan. Munda mektep aýlasy abattyndyrylyp, sporttyń ár túrimen ainalysýǵa jáne tabiǵi ǵylymi tsikl pánderinen tájiribe ótkizýge arnalǵan 17 alań salyndy.
Al, Shubar aýylyndaǵy negizgi mektep 145 oqýshyǵa úsh aýysymda sabaq berýde. 1962 jyly salynǵan mektep ǵimaratynyń ábden tozyǵy jetipti. Kabinetteri tym tar. Bilim oshaǵynda bolyp, jaǵdaimen jiti tanysqan aimaq basshysy óskeleń urpaqqa bilim men tárbie berip otyrǵan pedagogikalyq ujymǵa alǵysyn bildirdi. Sondai-aq, jobalyq-smetalyq qujattary ázirlenip, aldaǵy eki jyl ishinde aýylda jańa mekteptiń salynatyn jetkizdi.
«Jumys sapary kezinde Ermek Marjyqpaev Qosshy aýylyndaǵy kóshe-jol jelilerine júrgizilip jatqan jóndeý jumystarynyń barysymen de tanysty. Kóshe-jol jelileriniń qurylys jobasy boiynsha aýyldaǵy jalpy uzyndyǵy 21, 98 shaqyrym bolatyn 12 kóshe jóndeý jumystarymen qamtylatyn bolady. Qazirgi tańda ony segizinde jumys aiaqtalyp úlgeripti. Biyl jylǵa Qoiandy aýylynda 7,7 shaqyrym jolǵa ortasha jóndeý jumystaryn júrgizý úshin 223 million teńge bólingen. Keler jyly taǵy 18 shaqyrym jol jóndeletin bolady. Shubar aýlynda aýyl turǵyndaryn ortalyqtandyrylǵan sýmen jabdyqtaý maqsatynda injenerlik jelini qalpyna keltirý jumystary júrgizilýde», deidi oblys ákimidiginiń baspasóz qyzmetindegiler.
