Qyrǵyzstanda ótken VI Dúniejúzilik kóshpeliler oiyndarynan keiin Qazaqstan men Qyrǵyzstannyń medaldyq esebi boiynsha túsinispeýshilik týyndady, dep habarlaidy ult.kz.
Buǵan deiin Qazaqstannyń Týrizm jáne sport ministrligi ulttyq qurama 32 altyn, 20 kúmis, 22 qola, barlyǵy 74 medal jeńip alyp, jalpy esepte birinshi oryn alǵanyn habarlaǵan. Qyrǵyzstan 30 altyn, 35 kúmis jáne 19 qola medalmen ekinshi orynda kórsetilgen.
Alaida Oiyndardyń resmi Instagram paraqshasynda jariialanǵan kestede Qyrǵyzstan 30 altynmen birinshi, al Qazaqstan 29 altynmen ekinshi orynǵa qoiylǵan. Keiin bul jazba óshirilip, resmi saittaǵy medaldyq keste de alynyp tastaldy.
Uiymdastyrýshylar qorytyndy medaldyq esep Oiyndar hatshylyǵynan sońǵy aqparat alynǵannan keiin jariialanatynyn málimdedi. Resmi rastaýǵa deiin jiyntyq keste jariialanbaidy.
Al Qyrǵyzstannyń Dene shynyqtyrý jáne sport jónindegi memlekettik agenttigi oiyndarda elder arasynda resmi medaldyq nemese jalpykomandalyq esep júrgizilmeitinin aitty.
«Dúniejúzilik kóshpeliler oiyndary elderdiń reiting úshin básekesine emes, ortaq tarihi-mádeni murany dáripteýge baǵyttalǵan», – delingen agenttik málimdemesinde.
VI Dúniejúzilik kóshpeliler oiyndary Qyrǵyzstanda 31 tamyz – 6 qyrkúiek aralyǵynda ótti. Oǵan 100-den astam elden sportshylar qatysty.
