Aqmola oblysynda 37 jastaǵy er adam túnde kórshisiniń úiine zańsyz kirip, uiyqtap jatqan 20 jastaǵy áieldi sýretke túsirgen, dep habarlaidy ult.kz.
Aqmola oblystyq politsiia departamentiniń málimetinshe, oqiǵaǵa qatysty Atbasar aýdanynyń politsiia bólimine aýyl turǵyndarynan aryz túsken. Jábirlenýshiniń aitýynsha, kórshisi tún ishinde úiine ruqsatsyz kirip, ony uiyqtap jatqan jerinen sýretke túsirgen.
Politsiia bul derek boiynsha qylmystyq is qozǵady. Tergeý barysynda kúdikti er adamnyń kórshisiniń úiine kirgeni anyqtalǵan. Ol óz áreketin qyzben sóileskisi kelgenimen túsindirgen.
Qazir politsiia oqiǵanyń barlyq mán-jaiyn jáne er adamnyń áreketine ne sebep bolǵanyn anyqtap jatyr. Tergeý qorytyndysy boiynsha protsessýaldyq sheshim qabyldanady.
Politsiia bóten adamnyń úiine zańsyz kirý zań boiynsha jaýapkershilikke ákep soǵatynyn eskertti.
