10 tamyzda qorshaǵan ortany qorǵaý salasyndaǵy «Elim-ai» II respýblikalyq syilyǵyn taǵaiyndaý boiynsha baiqaýǵa ótinim qabyladý bastaldy, dep habarlaidy "Ult aqparat" QR Ekologiia ministrligine silteme jasap.
2021 jyldyń 10 qyrkúiegine deiin jalǵasatyn baiqaý aiasynda Ekologiia jáne bioalýantúrlilikti qorǵaý salasyndaǵy zańdy jáne jeke tulǵalar óz nominanttaryn ártúrli sanattar boiynsha usyna alady.
«Elim-ai» syilyǵyn «Respýblika-Óńir-Damý» qoǵamdyq qory taǵaiyndaǵan jáne ol 2020 jyldan bastap QR Ekologiia, geologiia jáne tabiǵi resýrstar ministrliginiń qoldaýymen ótkiziledi.
Syilyq jyl saiyn qorshaǵan ortany qorǵaýǵa eleýli úles qosqan zańdy jáne jeke tulǵalarǵa tabiǵatty utymdy paidalanǵany, tabiǵatty qorǵaý maqsatyndaǵy ǵylymi qyzmeti úshin beriledi.
Arnaiy qurylǵan komissiia usynylǵan qujattardy qaraidy jáne syilyq alýǵa úmitkerlerdi irikteidi.
Baiqaý nátijeleri 2021 jylǵy 19 qyrkúiekte Halyqaralyq ormanshylar qyzmetkerleri kúni jariialanady.
Syilyqty marapattaý rásimi QR Orman sharýashylyǵy qyzmetkerleri kúni qarsańynda - qazannyń úshinshi jeksenbisinde ótedi.
Baiqaý jeńimpazdary kelesi nominatsiialar boiynsha marapattalady:
- Janýarlar dúniesin qorǵaý jónindegi úzdik inspektor;
- Úzdik ormanshy;
- Úzdik balyq ósirýshi;
- Eń jaqsy panajai;
- Úzdik ulttyq park;
- Úzdik qoryq;
- Úzdik volonter;
- Tabiǵatty qorǵaý týraly úzdik jýrnalistik material;
- Janýarlarǵa arnalǵan eń jaqsy baspana;
- Jasyl qala.
Laýreattar «Elim-ai» syilyǵynyń ataýly músinshelerimen, diplomdarmen jáne baǵaly syilyqtarmen marapattalady.
