Densaýlyq saqtaý vitse-ministri Liýdmila Biýrabekova elde koronavirýspen aýyr jáne orta dárejede aýyryp jatqan adamdar ǵana aýrýhanaǵa jatqyzylatynyn málim etti, – dep habarlaidy "Ult aqparat".
«Qazirgi tańda koronavirýspen aýyr jáne orta dárejede jatqan naýqastar ǵana aýrýhanaǵa jatqyzylady. Sonymen qatar KVI rastalmaǵan, alaida pnevmoniiamen túsken adamdar da aýrýhanada emdeledi. Al KVI-di jeńil nemese belgisi joq kúide kóteretinder ambýlatoriialyq jaǵdaida emdelýi tiis. Sebebi onsyz da statsionardaǵy tósek-oryn bos emes. Sol sebepti KVI-di jeńil nemese belgisi joq kúide kóteretin azamattar úiinde emdelip, ýcheskelik dárigerdiń baqylaýynda bolýy tiis», - dedi Liýdmila Biýrabekova OKQ-da ótken baspasóz máslihatynda.
Eske sala ketsek, Liýdmila Biýrabekova buǵan deiin Qazaqstanda koronavirýs infektsiiasyn juqtyrǵan adamdardy emdeý hattamasyna jańa shema engizilgenin málim etken edi. Onyń aitýynsha, qazaqstandyq dárigerler anasynan koronavirýs juqtyryp týǵan 21 sábidi emdep shyǵarǵan.
