Koronavirýstyń simptomsyz túrine shaldyqqandar em alýy kerek pe? Bul suraqqa «Ulttyq ǵylymi kardiohirýrgiia ortalyǵy» AQ basqarmasy tóraǵasynyń birinshi orynbasary Mahabbat Bekbosynova jaýap berdi, dep habarlaidy QazAqparat.
«Qandai da bir skrining kezinde nemese jaqyn bailanysta bolǵan adamda osy virýs anyqtaldy delik. Al sol ýaqytta densaýlyǵynda eshqandai problema bolmaǵan adamdy emdeý qajet pe? Eger men ózimdi jaqsy sezinsem ári eshqandai problema bolmasa she? Menińshe, dárini naqty belgileri boiynsha ǵana qabyldaý kerek. Aýrýdyń jeńil túri kezinde ystyq túsiretin dári ishken jón. Dene qyzýy kóterilgende tek qana paratsetomol ishýge keńes beriledi. Eger adamda ókpe qabynýy bolsa, onda bul simptomsyz túri emes. Bul klinikalyq túri jáne dárini dáriger belgileidi», - dedi ol.
Onyń atap ótýinshe, ókpe qabynýy asqynyp ketken simptomsyz patsientterdiń shamamen 3 paiyzy statsionarǵa jatqyzylady. Jalpy, ókpe qabynýy 7 kúnniń ishinde belgili bolady. Al odan keiin dene qyzýy kóterilip, jótel paida bola bastaidy.
«Ár adamda ártúrli bolýy múmkin. 7 kúnnen keiin de ókpe qabynýy belgileri paida bolyp jatady. Ókpe qabynýy belgileri baiqalǵan kezde mindette túrde mikrotrombylardyń qalyptasýyn baqylaityn bakteriiaǵa qarsy terapiiaǵa qosylý qajet. Menińshe, bul óte durys ádis. Óitkeni, ókpe qabynýynyń alǵashqy satysyndaǵy patsient baqylaýǵa alynyp, emdele bastaidy», - dedi Mahabbat Bekbosynova.
