Koronavirýstyń delta nusqasynyń simptomdary óte aýyr. Bul týraly Almaty qalasy №8 emhanasynyń bas dárigeri Farida Aǵybaeva málim etti, dep habarlaidy QazAqparat.
«Naýqastardyń ystyǵy kóteriledi, tamaq aýrýy paida bolady jáne basy aýyrady. Qarapaiym sýyq tiiý nemese tumaýǵa uqsaidy. Indet juqtyrǵandarda koronavirýsqa tán iis sezbeý bolmaidy. Biraq erekshe belgiler bar: júrek ainý, qusý, diareia jáne asqazannyń aýyrýy, qatty álsizdik. Aýrýdyń aǵymy koronavirýs infektsiiasynyń delta nusqasynda joǵary jyldamdyqpen sipattalady jáne aýyr bolady – naýqastarda ortasha aýyr, aýyr, simptomsyz jáne jeńil formalar jii kezdesedi», - deidi Farida Aǵybaeva.
Sondai-aq, estý qabileti buzylady, asqazan-ishek problemalary týyndap, qan uiýy múmkin. Eger naýqas vaktsina almaǵan bolsa, onda delta nusqasyn juqtyrǵan kezde jaǵdaiy óte aýyr bolady.
№8 emhananyń bas dárigeri tolyq immýndalǵan adamnyń derti simptomsyz nemese áldeqaida jeńil ótetinin aitty.
Spiker qoǵamdyq densaýlyq basqarmasynyń atynan almatylyqtardy vaktsinalanýǵa taǵy da shaqyrdy.
