Turǵyndar koronavirýs infektsiiasynyń alǵashqy belgileri baiqalǵanda meditsinalyq kómekke júginýleri kerek. Bul týraly Úkimet otyrysynda QR Densaýlyq saqtaý ministri Aleksei Tsoi málim etti, dep habarlaidy "Ult aqparat".
Ministrdiń aitýynsha, jalpy eldiń meditsinalyq uiymdary turaqty jumys istep tur. Búginde 120 myńnan astam patsient koronavirýs infektsiiasynan emdelýde. Degenmen, alǵashqy táýlikterde reanimatsiiaǵa túsken naýqastardyń basym bóligi, 40 paiyzdan astamy «delta» shtammyn juqtyrǵandar bolyp otyr. Atalǵan patsientter óz-ózin emdeýmen ainalysqan jáne meditsinalyq kómekke kesh júgingen.
«Osyǵan orai jergilikti atqarýshy organdar halyq arasynda aýrýdyń aldyn alý, óz-ózin emdeýge jol bermeý jáne meditsinalyq kómekke der ýaqytynda júginý máseleleri boiynsha aqparattyq túsindirý úshin jumystaryn kúsheitýi qajet. Halyqtan koronavirýs infektsiiasynyń alǵashqy belgileri baiqalǵanda meditsinalyq kómekke júginýdi jáne óz-ózin emdeýmen ainalyspaýdy ótinemin. Qarapaiym erejelerdi saqtaý júzdegen adamnyń ómirin qutqaratyndyǵyn este saqtaý qajet», - dedi Aleksei Tsoi.
