Koronavirýs vaktsinasyn ázirleýge arnalǵan jahandyq aktsiianyń alǵashqy kúni 7 milliardtan astam eýro jinaldy, dep habarlaidy "Ult aqparat" Memlekettik komissiianyń shuǵyl shtabyna silteme jasap.
«Keshe Belgiia astanasy Briýsselde «Koronavirýsqa jahandyq jaýap berý» aktsiiasy aiasynda qarjy jinalatyny týraly jariialandy. Onlain konferentsiianyń birinshi kúni-aq 7 mlrd 400 mln eýro jinaldy. Atalǵan aktsiia eki aptaǵa sozylady», - delingen aqparatta.
Málim etilgendei, aktsiiany Dúniejúzilik densaýlyq saqtaý uiymy (DDU) jáne Eýrokomissiianyń qoldaýymen Eýropalyq odaq elderi jáne qaýymdastyqqa kirmeitin Ulybritaniia, Norvegiia jáne Saýd Arabiiasy elderi uiymdastyrdy. Sondai-aq aktsiiaǵa Japoniia, Kanada, OAR jáne basqa elderdiń kóshbasshylary qosyldy.
EO elderi bir milliard eýro bóletinin málimdedi. Bir milliard AQSh dollaryna jýyq qarajatty Norvegiia da berýge ýáde etken..
«Biz bir adam qorǵalyp, ekinshisi qorǵalmaǵan álemde ómir súre almaimyz. Bul, ortaq jaýdy jeńý ǵana emes, sonymen qatar ortaq qaýipsiz bolashaqty qurý múmkindigi. Aqsha jinaý protsesi 23 mamyrǵa deiin jalǵasady», — dedi DDU basshysy Tedros Adhanom Gebreiesýs.
Is-sharanyń seriktesteri retinde Dúniejúzilik densaýlyq saqtaý uiymy, Bill jáne Melinda Geits qory, Vaktsinalar men immýndaý boiynsha jahandyq alians jáne basqa da halyqaralyq qurylymdar qatysady.
