Ulttyq ftiziopýlmonologiia ǵylymi ortalyǵy direktorynyń klinikalyq jáne ǵylymi jumystar jónindegi orynbasary, professor Lázzat Eralieva koronavirýstan keiin bedeýlikke shaldyǵý yqtimaldyǵy týraly aitty, dep habarlaidy QazAqparat.
Ortalyq kommýnikatsiialar qyzmetinde ótip jatqan brifingide BAQ ókilderi «Qazaqstanda koronavirýs infektsiiasynyń saldarynan bedeýlikke tap bolǵan adamdar bar ma?» degen saýal qoidy.
«Ókinishke qarai, ondai statistika bar. Men ekstrakorporaldy uryqtandyrý ortalyqtarynda tekserýden ótip jatqan adamdardyń ishinde koronavirýs infektsiiasynan keiin aspermiiaǵa, iaǵni spermatozoidtardyń bolmaýyna ushyraǵan er adamdar bar ekenin bilemin», - dep túsindirdi sarapshy.
Onyń aitýynsha, aǵzadaǵy bul aqaýdy joiýǵa bolady.
«Baqytymyzǵa orai, úsh-tórt aidan keiin jaǵdai jaqsarady. Biraq spermatozoidtardyń sany aýrý juqtyrmai turǵan kezge qaraǵanda áldeqaida tómen bolady. Qazir munyń bári zerttelip jatyr. Munyń áli tyń derekter ekenin túsinýlerińiz kerek», - dedi Lázzat Eralieva.
