Ǵalymdar toby koronavirýs infektsiiasymen uzaq ýaqyt boiy aýyrý jaǵdailaryn zertteýge kiristi. Zertteý maqsaty – osyndai naýqastardy tekserý jáne emdeý úshin usynymdar ázirleý, dep habarlaidy "Ult aqparat" BUU Jańalyqtary saityna silteme jasap.
Dúniejúzilik densaýlyq saqtaý uiymy sarapshylarynyń aitýynsha, infektsiiadan «jazylǵandardyń» basym bóligi ailar boiy álsizdik, tynys alýda problemalar sezinip, nevrologiialyq belgiler paida bolady. DDSU koronavirýstyń uzaq ýaqytqa sozylǵan belgilerin «postkovidtik jaǵdai» dep ataýdy usyndy.
Birinshi qadam jasaldy – endi qalyń jurtshylyq aýrýǵa shaldyǵyp jazylǵandardyń jaǵdaiy erekeleý ne «qarapaiym kóńilsizdik» emes, aýrýdyń saldary ekenin bildi. Degenmen, ǵylymi ortanyń osyndai patsientterdi emdeý jáne olardyń jaǵdaiyn baǵalaýdyń standarttalǵan qadamdaryn ázirleýge bilimi jetpei otyr.
Durys sheshimder qabyldaýǵa kómektesetin ǵylymi bazany keńeitýge DDSU-nyń ǵalymdar toby, respiratorlyq jáne infektsiialyq aýrýlarmen ainalysatyn birqatar arnaiy halyqaralyq meditsinalyq uiym kirisedi.
Ǵalymdar zertteýdiń birinshi fazasynda postkovidtik patsientterdiń jaǵdaiyn baǵalaý kriteriilerin, al ekinshisinde – bul belgilerdi qalai tanýǵa bolatynyn anyqtaidy.
