Koronavirýspen kúreske densaýlyq saqtaý júiesiniń búkil áleýmeti jumyldyryldy. Bul týraly Májilis depýtattarynyń resmi saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«Koronavirýs indetimen kúreske densaýlyq saqtaý júiesiniń búkil áleýmeti baǵyttalǵan. Epidemiiaǵa qarsy is-sharalarǵa 46 myńnan astam meditsina qyzmetkeri jumyldyryldy. Qatań shekteý sharalaryn engizýdiń arqasynda koronavirýs indeti boiynsha epidemiologiialyq ahýaldy turaqtandyrýǵa, meditsina uiymdaryna júktemeni aitarlyqtai tómendetýge qol jetkizildi. Qazirgi ýaqytta juqtyrýdyń táýliktik ósimi 0,07 paiyzǵa deiin tómendep, barlyq naýqastardyń 95 paiyzy jazyldy. Tósek-oryn júktemesi 12 paiyzdy quraidy», - dedi Asqar Mamin.
Premer-Ministrdiń atap ótýinshe, kúz-qys kezeńindegi epidemiologiialyq ahýalǵa qatysty boljamǵa orai Úkimet koronavirýs indetiniń oryn alýy múmkin jańa tolqynyna keshendi sharalar qabyldap jatyr. Jyldyń sońyna deiin jetetin jeke qorǵanys zattarynyń qory jinaqtalyp, PTR-testileý qýaty táýligine 43 myńǵa deiin jetkizildi. Qajettilik týyndaǵan jaǵdaida PTR-testileý qýaty táýligine 60 myńǵa deiin jetkiziletin bolady.
«Osy jyldyń qazan aiynda 3 100 tósek-orynǵa arnalǵan 15 modýldik juqpaly aýrýlar aýrýhanasy paidalanýǵa beriledi. Qajettilik týyndaǵan jaǵdaida infektsiialyq tósek-oryndardyń sany qaita beiimdeletin statsionarlardy qosa alǵanda 51 myńǵa deiin keńeitiledi. Meditsinalyq kómektiń qol jetimdiligin keńeitý, onyń ishinde aýyldyq jerlerdi de qamtý úshin qosymsha 100 jyljymaly meditsinalyq keshen, 53 rentgen-apparaty, 2 700 ókpeni jasandy jeldetý apparaty, 64 ottegi stansasy satyp alynýda. Osy jyldyń qarashasyna deiin 807 jedel járdem kóligi jetkiziletin bolady», - dedi Asqar Mamin.
Qazirgi ýaqytta elimizde 3 180 adam koronavirýstan em qabyldaýda. Onyń ishinde 1 851 naýqas statsionarlarda jatsa, 1 329 adam ambýlatoriialyq jaǵdaida emdelýde. Jalpy naýqastardyń arasynda 86 adamnyń densaýlyq jaǵdaiy nashar dep baǵalanyp otyr. 14 naýqastyń ahýaly asa aýyr bolsa, 16 naýqas ókpeni jasandy jeldetý apparatymen tynys alyp jatyr.
Jalpy, búginde koronavirýs infektsiiasyn juqtyrý jáne odan kelgen ólim boiynsha álemdik jaǵdai kúrdeli kúide qalyp otyr. Eýropa men Aziianyń birqatar memleketinde aýrýdy juqtyrý jaǵdaiy artyp barady. Máselen ótken aptada koronavirýsty juqtyrý jaǵdaiy Italiiada, Germaniia, Belarýs, Túrkiia jáne Eýropanyń taǵy basqa elderinde baiqaldy. Reseide indetti juqtyrý kórsetkishi 0,6-0,7 paiyzǵa ósti. Bul – Qazaqstandaǵy kórsetkishten qaraǵanda 10 ese kóp. Degenmen jaǵdaidyń turaqty ekendigine qaramastan elimiz saqtyq sharalaryn qolǵa alyp, shetelden ushyp keletin jolaýshylardy PTR-test tapsyrǵany týraly anyqtamasy bolmasa statsionarǵa jatqyzý týraly sheshim qabyldady. Máselen, búgin Almaty men Nur-Sultan qalalaryna kelgen jolaýshylardyń birazy statsionarǵa ornalastyryldy.
