Koronavirýs juqtyrǵan tenor Plasido Domingo dúisenbi kúni úide ekenin jáne ózin jaqsy sezine bastaǵanyn habarlady. Buǵan deiin BAQ-ta 79 jastaǵy opera ánshisiniń aýrýhanaǵa jetkizilgeni týraly aqparat shyqqan. Onyń qyzýy kóterilip, jótel bolǵan. 22 naýryzda koronavirýsqa alynǵan test oń bolyp shyqqan, dep habarlaidy Associated Press.
Dúisenbi kúni Domingo «eń alǵashqy belgilerge deiin men ádettegidei jasyma sai aýrýlardy esepke ala otyryp, dárigerlerdiń qadaǵalaýynda boldym» dep jazdy.
Sondai-aq, ol barlyq adamdardy úide otyrýǵa shaqyrdy. Koronavirýs kóp jaǵdaida eki-úsh aptadan soń basylatyn jótel jáne qaltyraý siiaqty jeńil ári birqalypty belgiler tanytady. Al keibir adamdarda, ásirese egde jastaǵy adamdarda virýs pnevmoniia siiaqty aýyr syrqatqa, tipti ólimge deiin aparýy múmkin.
