Resei ǵalymy elde koronavirýstyń jańa tolqyny órshitin boljamdy kezeńdi atady, dep habarlaidy "Ult aqparat" Qazaqstanda COVID-19 taralýyna jol bermeý jónindegi vedomstvoaralyq komissiianyń Telegram-kanalyna silteme jasap.
Reseilik ǵalym elde koronavirýstyń jańa tolqyny bolýy múmkin merzimderdi atady. Virýsolog Evgenii Timakov indettiń qaita órshýi týraly eskertti. Onyń pikirinshe, epidemiologiialyq jaǵdaidyń jaqsarǵanyna qaramastan, virýs juqtyrǵandardyń sany qyrkúiektiń sońynda demalys maýsymy aiaqtalyp, barlyǵy úilerine oralǵan kezde ósedi. Ótken táýlikte Reseide 21 378 COVID-19 juqtyrý deregi tirkeldi. Epidemiia bastalǵaly elde barlyǵy 6 491 288 jaǵdai anyqtaldy, olardyń 166 442-si qaitys boldy.
Tailandta bir kúnde 235 adam koronavirýstan kóz jumdy. Ólim-jitimniń maksimaldy táýliktik ósimi munyń aldynda 7 tamyzda tirkelgen bolatyn – 212 jaǵdai. SARS-CoV-2 qurbandarynyń jalpy sany 6 588 adamǵa jetti. Ótken táýlikte COVID-19 juqtyrýdyń jańa 843 jaǵdaiy anyqtaldy. Elde indetke shaldyqqandardyń jalpy sany 795 951-ge jetti. Immýndaý bastalǵannan beri Tailandta COVID-19 vaktsinasynyń 21 millionnan astam dozasy egildi. Bangkok pen Phýket týristik ortalyǵy halqynyń 70% astamy virýsqa qarsy vaktsinalandy.
Iranda koronavirýs juqtyrǵandardyń jalpy sany 4 238 676 adamǵa jetti. Bul týraly eldiń Densaýlyq saqtaý ministrligi málim etken. Ótken táýlikte ǵana indetke shaldyǵýdyń 39 139 jańa jaǵdaiy jáne 508 kóz jumý deregi anyqtaldy. Búgingi tańda pandemiia 95 111 adamnyń ómirin qidy. 11 tamyzdaǵy jaǵdai boiynsha, búkil el aýmaǵynda 13 520 127 adam COVID-19 vaktsinasynyń kem degende bir dozasyn aldy, 3 274 980 adam vaktsinatsiianyń tolyq kýrsynan ótti.
AQSh-ta pandemiia bastalǵannan beri KVI infektsiiasyn juqtyrýdyń shamamen 36 million deregi tirkeldi. Alty aida alǵash ret kúnine 100 myńnan astam infektsiiany juqtyrýdyń jańa jaǵdaiy anyqtaldy. Bir aida aýrýhanaǵa jatqyzý kórsetkishi 8 esege ósti. 50 aýrýhana bilik organdarynan kómek suraýda. Aýrýhanalarda patsientterdiń aǵynymen kúresý úshin qyzmetkerler jetispeidi. Dárigerler «delta» shtamy áserinen patsientterdiń jas shamasy edáýir jasarǵanyn, 40 jasqa deiingi adamdardyń reanimatsiiaǵa túsip jatqanyn, balalar arasynda infektsiia kúnnen-kúnge artyp otyrǵanyn aitady. Aýrýǵa shaldyǵý jaǵdailarynyń kópshiligi Lýiziana, Florida, Tehas, Alabama shtattarynda oryn alýda.
