2022 jyly Qazaqstanǵa jetkiziletin koronavirýsqa qarsy aqyly vaktsinalar qymbatqa túspeidi, dep sanaidy Densaýlyq saqtaý ministri Aleksei Tsoi.
Úkimet otyrysynan keiin jýrnalister ministrden koronavirýsqa qarsy aqyly vaktsina shamamen qansha turatynyn surady, dep habarlady Sputnik Qazaqstan.
"Men muny aita almaimyn, óitkeni bul - kommertsiialyq segment. Biraq jalpy vaktsinalar qymbat emes. Eger basqa vaktsinalardy alsaq, olardyń baǵasy 2 myńnan 5 myń teńgege deiingi aralyqta. Sol sebepti bul jerde vaktsinalardyń kommertsiialyq segmentte qandai baǵamen satyp alynatynyna nazar aýdarý qajet", - dedi Tsoi jýrnalisterge úkimet kýlýarynda.
Aitýynsha, Densaýlyq saqtaý ministrligi negizgi distribiýtorlarǵa habar bergen. Qazir olar kelesi jyly el aýmaǵyna aqyly vaktsinalar jetkizý máselesin pysyqtap jatyr.
Ministr aldaǵy aqyly vaktsinatsiia tegin vaktsina saldyrǵysy kelmeitin qazaqstandyqtar úshin "balamaly analog" bolatynyn málimdedi.
