Kóńil-kúi nashar bolsa, koronavirýs infektsiiasyn juqtyrýyń múmkin, bul týraly "Radio 1" efirinde infektsionist Svetlana Malinovskaia eskertti, - dep habarlaidy Tengrinews.kz tilshisi RIA Novosti portalyna silteme jasap.
Onyń aitýynsha, psihikalyq jaǵdai immýndyq júiege qatty áser etedi. Sondyqtan qorqynysh, dúrbeleń jáne kúizelis aiasynda aǵzanyń qorǵanysy tómendeidi.
Maman aýrýdyń qazirgi deńgeige jetýi kóbinese immýnitettiń tómendeýine bailanysty ekenine senimdi.
Koronavirýstyń psihikaǵa áseri sonsha, keide patsient óz túisigine, mysaly, ózin-ózi qorǵaý túisigine qarsy shyǵýy múmkin, tuiyqtalyp, emdeýden bas tartady, deidi sarapshy.
Infektsionist qazirgi ýaqytta COVID-19-dyń adamnyń tanymdyq qabiletine áseri áli tolyq zerttelmegenin, biraq koronavirýs naýqastyń psihikasyna aitarlyqtai áser etip, jazylǵannan keiin uzaq depressiiaǵa ákeletinin aitty.
Buǵan deiin keiingi táýlikte Qazaqstanda koronavirýs pen pnevmoniiadan 105 adam qaitys bolǵany habarlanǵan edi.
