Densaýlyq saqtaý ministrligi Qazaqstanda koronavirýsty kimder jii juqtyratynyn jáne juqpaly aýrýlar statsionarynda kimder jatqanyn aitty, - dep habarlaidy Massaget.kz.
Qazaqstanda 20 maýsymnan bastap koronavirýs juqtyrǵandar sany kóbeigeni baiqaldy, keiingi aptamen salystyrǵanda, aýrýshańdyq shamamen eki ese ósken.
"Táýligine 2700-ge deiin KVI+ jáne 20-ǵa deiin KVI - (teris PTR nátijesin kórsetken koronavirýs belgileri baiqalatyn pnevmoniia - esk.) tirkeledi. Naýryzdan bastap qaitys bolǵandar tirkele bastady, shildede úsh naýqas qaitys boldy. Keiingi aptada aýyrǵandardyń 70 paiyzy 3 óńirde - Almaty, Nursultan jáne Qaraǵandy oblystaryna tirkeldi", - dedi Densaýlyq saqtaý vitse-ministri, Qazaqstannyń bas sanitariia dárigeri Aijan Esmaǵambetova.
27 shildedegi málimet boiynsha, respýblikada COVID-19 boiynsha 4500 tósek-oryn bar, 180 infektsiialyq aýrýhana statsionarlyq kómek kórsetedi. 1342 naýqas aýrýhanaǵa jatqyzyldy. Qazir tósek-oryn sany 30 paiyz qamtylǵan.
"KVI bar statsionarlyq emdeýdegi naýqastardyń ishinde 18 jasqa deiingi balalar - 36,3 paiyz. Eresekter - 63,7 paiyz, onyń ishinde 60 jáne odan joǵary jastaǵy naýqastar - 22 paiyz. Naýqastar arasynda áielder basym. Sonymen qatar, júkti áielder bar, olardyń sany 249", - deidi densaýlyq saqtaý vitse-ministri Dýdnik Viacheslav.
"Aýrýshańdyqtyń kóbeiýine qaramastan, reanimatsiia tósek-oryndary 8 paiyzǵa toly. Jansaqtaý bólimderinde 44 adam jatyr, onyń ishinde eń kóp reanimatsiiaǵa túskender Nur-Sultan qalasynda - 24 naýqas, Qyzylorda oblysynda - 7 naýqas. Jasandy tynys alý apparatynda 7 naýqas jatyr. Bes naýqastyń jasy 70-ten asqan, 1 jasqa deiingi balalar - bireý. Naýqastyń barlyǵynda qatar júretin aýrýlar bar, olar kardiolog pen jalpy tájiribelik dárigerde esepte tur", - dep qosty Esmaǵambetova.
