Ýkraina prezidenti Vladimir Zelenskii men onyń Prezident ofisi basshysy Andrei Ermak «Feofaniia» aýrýhanasynda em qabyldap jatyr. Bul týraly Prezident ofisi basshysynyń keńesshisi Mihail Podoliak málim etti, dep habarlaidy Ýkrinform agenttigi.
Onyń aitýynsha, aýrýhanada prezidenttiń beinebailanys arqyly jinalys ótkizýi úshin jabdyqtalǵan arnaiy kabinet bar.
«Ol oqshaýlanǵan palatada jatyr. Sáikesinshe onda arnaiy bailanys ornaitylǵan», - dep atap ótti Podoliak.
Onyń aitýynsha, Ermaktyń jeke oqshaýlanǵan palatasy bar, biraq arnaiy kabinet emes. «Feofaniiadan» prezident pen onyń Keńsesiniń basshysy jumysyn jalǵastyrýda.
«Olarda standartty keste bar. Jalǵyz shekteý – oqshaýlaý, janynda eshkim joq. Iaǵni kómekshilerdiń eshqaisysy prezidenttiń nemese keńse basshysynyń janynda emes, olar kommýnikatsiialyq oflainda», - dep túsindirdi ol.
Eske sala keteiik, 9 qarashada Ýkraina prezidenti Vladimir Zelenskiige COVID-19 diagnozy qoiyldy.
