Búgin meditsinalyq qyzmetterdiń sapasy jónindegi birikken komissiia otyrysynda COVID-19 infektsiiasy bar patsientterdi ambýlatoriialyq jaǵdaida qadaǵalap qaraý alogritmi maquldandy. Bul jóninde Densaýlyq saqtaý ministrliginiń resmi saitynda habarlady.
«Koronavirýs infektsiiasy COVID-19» diagostika jáne emdeý klinikalyq hattamasyn ázirleý jónindegi jumys toby ambýlatoriialyq jaǵdaida COVID-19 Koronavirýstyq infektsiiasy bar patsientterdi qadaǵalap qaraý boiynsha 4 mańyzdy qujatty ázirledi. Máselen ambýlatoriialyq jaǵdaida COVID-19 koronavirýsnoi infektsiiasyn qadaǵalap qaraý algoritmin, MSAK patsientteri úshin jadynama, patsienttiń chek-paraǵyn, «Úidegi statsionar» jaǵdaiynda emdi jalǵastyrý úshin statsionardan erte shyǵarylǵan kezde beriletin erte shyǵarý paraǵy úzindi kóshirmesiniń ólshemsharttary ázirlendi.
COVID-19 koronavirýsty qadaǵalap qaraý algoritminde qaýip faktorlary eskerile otyryp, aýrýlardyń klinikalyq belgileri boiynsha derekter usynylǵan, patsienttiń ózin-ózi baqylaýy boiynsha dárigerdiń usynymdar berilgen, rejimdi saqtaý boiynsha jalpy usynymdar berilgen, emdeý shemasy jáne profilaktika sharalary usynylǵan.
El halqy úshin olarǵa erekshe kóńil bólý qajet aýrý belgileriniń negizgi túrleri kórsetilgen MSAK deńgeiindegi patsientter úshin jadynama daiyndaldy, sondai-aq jalpy usynymdar berilgen jáne jai-kúidiń nasharlaý belgileri ashyp kórsetilgen, joǵaryda kórsetilgen jaǵdailar kezinde ózińizdiń ýchaskelik dárigerińizdi habardar etýińiz kerek.
Klinikalyq, aspaptyq, zerthanalyq ólshemsharttardyń jáne PTR-diagnosikasynyń negizinde «Úidegi statsionar» jaǵdaiynda emdi jalǵastyrý úshin statsionardan erte shyǵarylǵan kezde beriletin erte shyǵarý paraǵy úzindi kóshirmesiniń ólshemsharttary jazylǵan.
Ýchastok dárigeriniń odan arǵy qadaǵalap qaraý taktikasy týraly ýaqtyly sheshim qabyldaý úshin MSAK deńgeiinde patsientter toltyrý úshin chek paraq ázirlendi.
Atalǵan qujattar komissiia deńgeiinde maquldandy jáne densaýlyq saqtaý praktikasynda qoldanýǵa usynyldy.
Sonymen qatar COVID-19 koronavirýs infektsiiasynyń diagnostikasy men emdeý sheńberinde búgingi tańda Qazaqstanda «COVID-19 koronavirýstyq infektsiia» klinikalyq hattamasynyń 9-redaktsiiasy qoldanylýda.
Negizgi qujatty ózektendirý jumystary halyqaralyq jáne otandyq tájiribeniń jańa derekteri eskerile otyryp turaqty negizde júrgizilýde.
