Almaty oblysynda koronavirýs juqtyrǵan eki turǵynǵa qatysty aqparat jariialandy.
Ákimdiktiń málimetinshe, indet Qarasai aýdany Kemertoǵan aýylynyń 41 jastaǵy turǵynynan tabylǵan. Áiel aýdandyq juqpaly aýrýlar aýrýhanasyna jatqyzyldy. Onymen qarym-qatynas jasaǵan jasaǵan segiz adam, onyń ishinde naýqastyń jubaiy men balasy da oqshaýlandy.
Ekinshi derek Eńbekshiqazaq aýdanynda tirkeldi, 60 jastaǵy Esik qalasynyń turǵyny koronavirýs infektsiiasyn juqtyrǵany rastaldy. Áiel jaqynda 14 týysymen birge Ózbekstannan úilený toiynan oralǵan. 27 naýryzda kelgenderdiń barlyǵy oqshaýlandy.
30 naýryzdaǵy málimet boiynsha Almaty oblysynda indetke alty adam shaldyqty.
Qazirgi ýaqytta Qazaqstanda koronavirýs juqtyrǵandardyń sany 284 adamǵa jetti.
