Osy jyldyń mamyr aiynda jedel meditsinalyq kómek qyzmetkerlerine 2 mlrd teńgeden astam qosymsha tólemaqy berildi. Bul týraly Ulttyq shuǵyl meditsinany úilestirý ortalyǵy basqarma tóraǵasynyń mindetin atqarýshy Baýyrjan Júsipov aitty, dep habarlaidy QazAqparat.
«Koronavirýstyq infektsiiany diagnostikalaý jáne emdeýdiń klinikalyq hattamasyna sáikes, patsientterge jedel kómek kórsetý algoritmi bekitilgenin atap ótý kerek. Osylaisha jedel kómek brigadasy shaqyrtýǵa qyzmet kórsetý kezinde birinshi kezekte patsienttiń jalpy jai-kúii, entigýiniń bar bolýy, minýtyna tynys alý jiiligi, dene qyzýy jáne qanynyń ottegimen qanyǵýy baǵalanady. Jáne de osy kórsetkishterge bailanysty odan keiingi ádis anyqtalady», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, aýrýdyń jeńil aǵymy anyqtalǵan jaǵdaida entigý jáne qaýip faktorlary joq patsient úide qaldyrylady. Ary qarai emhananyń ýchaskelik dárigeriniń qadaǵalaýyna jiberiledi.
«Eger patsientte aýyr nemese ortasha aýyr aǵymy, sondai-aq qaýip faktory bar, iaǵni jasy 60-tan asqan, qant diabeti, ókpeniń sozylmaly aýrýlary siiaqty aýrýlar bolǵan kezde odan ary emdeý úshin statsionarǵa jetkiziledi. Jalpy, qazirgi ýaqytta jedel meditsinalyq kómek brigadalarynyń barlyq qyzmetkerleri koronavirýstyq infektsiiamen aýyratyn naýqastardy anyqtaý algoritmimen oqytylǵan. Barlyq qajetti meditsinalyq jabdyqtarmen, dárilik zattarmen jáne qorǵaný quraldarymen jabdyqtalǵan», - dedi Baýyrjan Júsipov.
Sonymen qatar, ol jedel kómek stansalarynyń janyna arnaiy call-ortalyqtar qurylǵanyn, onda meditsinalyq kómek kórsetý máseleri boiynsha bilikti mamandar keńes berip jatqanyn aitty.
«Munan bólek, Prezidenttiń tapsyrmasyn oryndaý maqsatynda koronavirýspen kúres aiasynda epidemiiaǵa qarsy sharalardy júrgizýge tartylǵan meditsina qyzmetkerlerin yntalandyrý jáne qoldaý úshin jedel meditsinalyq kómek qyzmetkerlerine qosymsha tólemder júzege asyrylady. Osy jyldyń mamyr aiynda jedel meditsinalyq kómektiń 11 823 qyzmetkerine 2 mlrd teńgeden astam qosymsha tólemaqy berildi.
