Jumys barysynda koronavirýs juqtyrǵan 598 dárigerge 2 mln teńgeden ótemaqy berildi. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy "Ult aqparat".
«Indet bastalǵaly beri dárigerlerimiz kúndiz-túni jumys isteýde. Ony ózderińiz de kórip júrsizder. Meditsina mamandarynyń eńbegi eleýsiz qalyp jatqan joq. Prezidenttiń tapsyrmasy boiynsha bir rettik tólem jáne jalaqylaryna qosymsha ústemaqy tólenip jatyr. Jalpy shilde aiynda 25 mlrd teńgege jýyq ótemaqy tólendi. Mundai qoldaýǵa 78 364 maman ie boldy. 17 tamyzdaǵy málimet boiynsha jumys barysynda virýs juqtyrǵan 598 qyzmetkerge 2 mln teńgeden ótemaqy berildi», - dedi ol Ortalyq kommýnikatsiialar qyzmetindegi brifing barysynda.
Baǵdat Qojahmetovtiń atap ótýinshe, qazirgi ýaqytta barlyq aimaqta arnaiy qurylǵan komissiia ótemaqy boiynsha ótinishterdi qarastyryp jatyr.
«Indet juqtyryp naýqastanǵan mamandarymyzǵa jáne virýs juqtyryp qaitys bolǵan meditsina qyzmetkerleriniń týystaryna ótemaqy tóleýge ótinishter áli de qabyldaný ústinde», - dedi resmi ókil.
