Almatyda 12 jasar qyz bala koronavirýstan jazyldy, dep habarlaidy "Ult aqparat".
Qalalyq Qoǵamdyq densaýlyq saqtaý basqarmasynyń málimetinshe, ol búgin balalar juqpaly aýrýlar aýrýhanasynan úiine shyǵaryldy.
«Bala virýsqa qarsy jáne simptomatikalyq em-domnyń tolyq kýrsyn aldy. Aýrý jeńil formada ótti», - dedi basqarmadan.
Aita ketý kerek, 12 jastaǵy qyz bala 13 naýryzda túnde Berlin-Minsk-Almaty charterlik reisimen kelgen. Sol túni borttaǵy ekipaj ben jolaýshylardyń barlyǵy birden oqshaýlanǵan bolatyn.
Bul Almaty aýrýhanalarynan jazylyp shyqqan 3-patsient. Olardyń barlyǵy 14 kún dárigerlerdiń baqylaýynda úi karantininde boldy.
