Koronavirýspen aýyrǵan adamdar arasynda este saqtaý jáne oilaý qabileti nasharlaǵandar bar. Bul týraly brifing barysynda Almatynyń bas sanitar dárigeri Jandarbek Bekshin málim etti, dep habarlaidy QazAqparat.
Onyń aitýynsha, qazirgi ýaqytta koronavirýs júike júiesin zaqymdai bastady.
«Buǵan deiin koronavirýs juqtyrǵan adamdarda diareia sindromy basym bolsa, búgingi kúni neirotoksikalyq sindrom paida boldy. Iaǵni, bul degenimiz - este saqtaý qabiletiniń buzylýy, naýqastar jii esinen tanyp qalady. Neirotoksikalyq sindromda birinshi kezekte mi zardap shegedi. Sondai-aq, adam saýyqqan soń postkovid sindromy jalǵasady. Bul ólimge ákelýi múmkin», - dedi Jandarbek Bekshin.
Almatynyń bas memlekettik sanitariia dárigeri Jandarbek Bekshin turǵyndardy koronavirýs dertine beijai qaramaýǵa shaqyrdy.
Ol halyqqa sanitarlyq sharalardy saqtap, vaktsina alý kerektigin eskertti.
