Tumaý men koronavirýsqa qarsy vaktsinany birge alýǵa bola ma? Bul saýalǵa onlain brifing barysynda S. Asfendiiarov atyndaǵy QazUMÝ-niń meditsinalyq-sanitarlyq alǵashqy kómek bóliminiń meńgerýshisi, PhD filosofiia doktory Dinara Mahanbetqulova jaýap berdi, dep habarlaidy QazAqparat.
«Árine, tumaýǵa qarsy vaktsina men koronavirýsqa qarsy vaktsinany qatar alýǵa bolady. Biraq tumaýǵa qarsy ekpeni naýqas koronavirýsqa qarsy vaktsinanyń eki dozasyn saldyrǵannan keiin alý kerek. Tumaýǵa qarsy vaktsinany bir aidan keiin saldyrýǵa bolady», – dedi Dinara Mahanbetqulova.
Buǵan deiin, Almaty qalasynyń bas sanitariia dárigeri Jandarbek Bekshin qala turǵyndaryna aralas infektsiia qaýipi týraly eskertken bolatyn.
Onyń aitýynsha, eger adam koronavirýsqa qarsy ekpe alǵan bolsa, eki apta aralyqty saqtaýy tiis, keiin ekinshi vaktsinany alýǵa bolady. Aldymen tumaýǵa qarsy vaktsinany saldyrǵan bolsa, onda 2-4 aptadan keiin koronavirýsqa qarsy vaktsinany alady. Eske salaiyq, Qazaqstanda tumaýǵa qarsy vaktsina saldyrý 15 qyrkúiekten bastalady.
