Koronavirýs pandemiiasynyń áserinen eń aldymen daiashylar, júk tieýshiler, tazalaýshylar, satýshylar, as úi jumysshylary jáne basqa da turaqsyz jumys isteitin qyzmetkerler zardap shegýi múmkin. Bul jóninde Eńbek resýrstaryna damytý ortalyǵy habarlady.
COVID-19 pandemiiasy jumyspen qamtý salasyndaǵy belsendilikti aitarlyqtai álsiretip, Qazaqstannyń eńbek naryǵynda óz túzetýlerin engizdi. Osyǵan bailanysty, WDC (Eńbek resýrstaryn damytý ortalyǵy) eldegi jumyspen qamtýǵa pandemiianyń áserin zertteýge arnalǵan «COVID-19 pandemiiasy aiasynda Qazaqstan Respýblikasynyń eńbek naryǵy» atty kezekti taldamalyq sholýyn daiyndady. Sonyń nátijesinde ortalyq sarapshylary birqatar mańyzdy tujyrymdarǵa keldi.
Máselen, ótken jyldyń osy kezeńimen salystyrǵanda Elektrondyq eńbek birjasynda (EEB) Enbek.kz túiindemeler men bos oryndar sany tótenshe jaǵdai saldarynan 35%-dan 23%-ǵa tómendedi. Alaida mamyr aiynda tótenshe jaǵdai rejimi men qatań karantin toqtatylǵan kezde túiindeme sany da, bos oryndar sany da belsendi qalpyna kele bastady. Osylaisha, EEB túiindemeler men bos oryndar sany mamyr aiynda sáýir aiymen salystyrǵanda 1,6 jáne 3,5 ese ósti.
Búginde qurylys salasy «jańa bos jumys oryndary» jii ashylatyn basty salaǵa ainaldy. Osylaisha, EEB-da qurylys salasyndaǵy bos oryndardyń úlesi qańtar-mamyr aralyǵynda 8%-dan 43%-ǵa deiin ósti. Mundai úrdis maýsymdyq jumystardyń jandanýymen, sondai-aq daǵdarysqa qarsy memlekettik sharalar jiyntyǵyn, onyń ishinde «Jumyspen qamtýdyń jol kartasyn» iske asyrýmen bailanysty bolýy múmkin.
Óz kezeginde, óńirler bólinisinde TJ-dan keiin (mamyr aiynda) eń kóp bos oryndary - Almatyda, Nur-Sultan men Qostanaida ( mamyr aiynda qurylǵan barlyq b os oryndar sanynyń 29%-y ) quryldy. Al 2020 jyldyń 5 aiynda eń kóp túiindemeler Túrkistan, Jambyl jáne Almaty oblystaryna tiesili (2020 jyldyń qańtar-mamyr ailarynda usynylǵan túiindemeler sanynyń 31%-y). Aita ketsek, atalmysh úsh ońtústik óńir 2020 jyldyń qańtar-mamyr ailarynda halyqty Jumyspen qamtý ortalyqtarynda tirkelgender sany – 102 myń adam nemese jumys izdep júrgen adamdardyń jalpy sanynyń 32%-y boiynsha kóshbasshylar qatarynda.
Jalpy, WDC baǵalaýy boiynsha Qazaqstanda tehnikalyq jumyssyzdar sany sáýirde 4,2 mln adamnan mamyrda 1,1 mln adamǵa jáne maýsymda 735 myń adamǵa deiin tómendedi. Bul rette kásibi toptar bólinisinde kóbine koronavirýs pandemiiasynyń áserinen daiashylar, júk tieýshiler, tazalaýshylar, satýshylar, as úi qyzmetkerleri jáne basqa biliktiligi tómen jáne turaqsyz jumys isteitin qyzmetkerler zardap shegýi múmkin.
Salalar bólinisinde COVID-19 pandemiiasy sońǵy jyldary ekonomikada mańyzy artqan «qyzmet kórsetý» salasyna eń aýyr soqqy jasady.
Sonymen qatar, WDC taldaýshylary Ulttyq ekonomika ministrligi Statistika komitetiniń resmi derekterine sáikes aǵymdaǵy jyldyń birinshi toqsanyndaǵy jaǵdai boiynsha, iaǵni pandemiia bastalǵanǵa deiin Qazaqstandaǵy jumyssyzdar sany 442 myń adamdy quraǵanyn eske salady.
«COVID-19 pandemiiasy aiasynda Qazaqstan Respýblikasynyń eńbek naryǵy» atty WDC taldamalyq sholýynyń tolyq nusqasyn myna siltemeden kóre alasyzdar.
