Pákistan Islam Respýblikasynyń Úkimeti Qazaqstan Respýblikasynyń Islamabadtaǵy Elshiligine koronavirýs indetin emdeý kezinde paidalanylatyn gidroksihlorohinniń 60 myń tabletkasyn tabystady, dep habarlaidy QR Syrtqy ister ministrligi.
«Dári-dármekter jýyq arada Nur-Sultan qalasyna jetkiziledi jáne meditsinalyq mekemeler arasynda taratý úshin biryńǵai distribiýtor – «SQ-Farmatsiia» JShS-ǵa tabystalady.
QR Syrtqy ister ministrligi baýyrlas Pákistan halqy men úkimetine dostyq nieti men isharaty úshin alǵys bildiredi jáne bul elderimiz arasyndaǵy yntymaqtastyq rýhyna sáikes keledi», - delingen ministrlik málimetinde.
Eske salaiyq, Qazaqstan Prezidenti Qasym-Jomart Toqaev Qazaqstanǵa gýmanitarlyq kómek retinde koronavirýsqa shaldyqqan naýqastardy emdeýge arnalǵan dári usynǵany úshin Pákistan Úkimetine jáne Premer-ministr Imran Hanǵa alǵys bildirgen bolatyn.
