Almaty qalalyq Perinataldyq ortalyǵynyń ginekology Ásel Omarqulova onlain brifing barysynda júkti áielderde COVID-19 qalai anyqtalatynyn jáne nárestege virýsty juqtyrmaý úshin ne isteý kerekitigin aityp berdi, dep habarlaidy QazAqparat.
«Barlyq júkti áielder immýndyq tapshylyq jaǵdaiynda bolady ári táýekel tobyna jatady. Biz olardan belgili qaýipsizdik sharalaryn saqtaýdy suraimyz: maska taǵý, qoldy jýý jáne adamdar kóp jinalatyn jerlerden aýlaq bolý. Al eger aýyryp qalsa, ózin-ózi emdeýmen ainalyspaýy kerek, sebebi kovidti emdeitin kóptegen preparatta júkti áielderge qarsy kórsetilimi bar», - deidi Ásel Omarqulova.
Ginekologtyń aitýynsha, virýs juqtyrǵan júkti áielder barlyq jaǵdaida aýrýhanaǵa jatqyzyla bermeidi. COVID-19 simptomsyz jáne jeńil aǵymy bar bolashaq analar ambýlatorlyq emdeýde qalady.
Ádette, dárigerler olarǵa kóp mólsherde suiyqtyqty ishý boiynsha usynystar beredi, áielder ózin-ózi baqylaý kúndeligin júrgizedi, temperatýrany, tamyr soǵý jiiligin jáne tynys alýdy baqylaidy. BSMK meditsinalyq qyzmetkerimen qashyqtan bailanysty kúndelikti ornatady.
Perinataldyq ortalyqta koronavirýspen bosanǵan áielder jiti baqylaýda bolady.
«Ortalyqta 20 tósek-oryndy infektsiialyq bólimshe jumys jasaidy. Basqa kovidtik statsionardaǵydai, «jasyl aimaq», «qyzyl aimaq», shliýz, sanitariia», «jasyl aimaq» bar. Juqtyrǵan naýqastardy bosandyrǵanda medbikeler qorǵanys quraldaryn, kostiýmderdi, kózildirik pen qolǵapty paidalanady»,- deidi dáriger.
«Náreste dúniege kele salysymen 1 minýtqa keshikpei, onyń kindigin qysý usynylady, sebebi bul ana men balanyń densaýlyǵyna paidaly jáne jańa týǵan náresteniń tamaqtaný jaǵdaiyn jaqsartady. Sonymen qatar, jańa týǵan nárestege COVID-19-dyń qan arqyly berilý qaýpi az. Koronavirýs balaǵa ana súti arqyly berilmeidi. Dúniejúzilik densaýlyq saqtaý uiymynyń qoldanystaǵy usynymdaryna sáikes, eger saqtyq sharalary saqtalsa, COVID-19 juqtyrǵan áielder sábiin emize alady»,-dedi Ásel Omarqulova.
Almaty qalasynyń perinataldyq ortalyǵynyń ginekology búginde infektsiianyń uryqqa antenataldy jolmen beriletini týraly senimdi derekter joq ekenin atap ótti.
«Vertikaldy jol – qan arqyly, uryqjoldas rastalmaidy. Infektsiia naýqas anadan bosaný kezinde, balamen qarym-qatynas kezinde múmkin bolady, eger ol qaýipsizdik sharalaryn saqtamasa – maska rejimi, qoldy jýý jáne dezinfektsiialaý», - dedi spiker.
Sondai-aq ol bala kóteretin áielderge qoǵamdyq oryndarǵa, dúkender men gipermarketterge barmaýǵa shaqyrdy. Oǵan qosa júkti áieldi COVID-19 koronavirýs infektsiiasynan qorǵaý úshin onyń otbasy men jaqyndary vaktsina alýy tiis. Sonda ǵana ana men bolashaq sábidiń ómiri qaýipsiz bolady.
