Latviiada karantin talabyn buzýshylarǵa 5000 eýro tóleýge týra keledi. Búginnen bastap elde jariialanǵan lokdaýnǵa bailanysty qatań shekteýler engizildi.
Bul týraly QazAqparat QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń baspasóz qyzmetine silteme jasap habarlaidy.
Osylaisha, quqyq buzýshy azamattar ákimshilik tártippen 10-nan 2000 eýroǵa deiin, al zańdy tulǵalarǵa 140-tan 5000 eýroǵa deiin aiyppul salynýy múmkin. Karantin 15 qarashaǵa deiin jalǵasady. Eldiń barlyq memlekettik organdary antikovidtik shekteýlerdiń saqtalýyna jaýapty dep jariialandy. Sondai-aq elde saǵat keshki 8-den tańǵy 5-ke deiin komendanttyq saǵat engizilgen.
Qazan aiynyń sońynan bastap Albaniia turǵyndary COVID-19-dyń kúsheitkish vaktsinasyn ala alady. Bul talap vaktsinany alty ai buryn alǵandarǵa qatysty. Albaniianyń immýndaý jónindegi komitetiniń múshesi, pediatr-dáriger Aida Býshati úshinshi doza negizinen halyqtyń osal toptary men meditsinalyq qaýip-qater tobyndaǵy adamdarǵa usynylady dep málimdedi. Vaktsinatsiia naýqany bastalǵannan beri barlyǵy COVID-19-dan 1 842 661 inektsiia jasaldy. Sondai-aq, pediatr 12 jastan asqan balalarǵa qatar júretin aýrýlar bolǵan kezde ekpe alýdy usynady.
