Telejúrgizýshi Dinara Satjanmen ótkizgen Instagram-daǵy tikelei efir kezinde Reseidegi Máskeý memorialdyq meshitiniń imamy Shamil Aliaýtdinov koronavirýsty Qudaidyń jazasy dep júrgenderge jaýap berdi, dep habarlaidy QazAqparat.
«Keibir vaktsinaǵa qarsy adamdar koronavirýsty Qudaidyń jazasy dep sipattap júr. Iaǵni, oǵan qarsy turýǵa bolmaidy. Bul týraly ne aitasyz», - dep surady Dinara Sátjan.
«Quranda jáne hadisterde «ózińizdi óz qolyńyzben ólimge tastamańyz» delingen. Iaǵni, qandai da bir qaýipten saqtana bilý kerek. Hadisterde: «emdelińiz» delingen. Biz emdelýge, ziiandy dúniege qarsy turýǵa mindettimiz. Qandai jaǵdai bolmasyn, Quran men hadiste adamǵa áreket tán, biraq ol áreket qiratatyn bolmaýy kerek. Quranda anyq aitylǵan: «Igi iste bir-birlerińe kómektesińder, biraq kúná men qastyqta emes», - deidi. Bizdiń qazir basymyzdan ótkerip jatqan jaǵdai jaza emes, synaq», - dedi reseilik imam.
Onyń aitýynsha, Jaratýshy ómir men ólimdi adamdardyń qaisysy jaqsylyqqa beiim ekenin synaý úshin jaratqan.
«Iaǵni, biz áreket etýimiz kerek. Tipti janýardyń ózi qaýip tónse, shamasy kelgenshe jaýap beredi. Al biz jasampazdyqpen áreket etýimiz kerek. Durys túsindirý kerek. Islam boiynsha hadisterde aldaǵy kún týraly jaman belgiler joq dep naqty aitylǵan», - dedi Shamil Aliaýtdinov.
