Ońtústik Koreia prezidenti Mýn Chje In koronavirýs infektsiiasynyń kúndelikti kórsetkishi ótken táýlikte 2 myń adamnan asyp - 2 200-ge jetkenine alańdaýshylyq bildirdi.
Bul densaýlyq saqtaý organdarynyń kúsh-jigerine jáne azamattardyń saqtyq sharalaryn oryndaýyna qaramastan oryn alady, dep atap ótti prezident, ári eldegi koronavirýs infektsiiasymen kúrestiń mańyzdylyǵyn eskertti.
Bul týraly COVID-19 taralýyna jol bermeý jónindegi vedomstvoaralyq komissiianyń Telegram kanaly habarlady.
Al, Grýziiadaǵy epidemiologiialyq jaǵdai kún saiyn nasharlaýda. El biligi eger koronavirýs juqtyrý qarqyny tómendemese, COVID-19 patsientterine arnalǵan dalalyq aýrýhanalardyń ashylýy múmkin ekenin aitty.
Kovidtik aýrýhanalarda aýyr jaǵdaidaǵy naýqastarǵa oryn bosatylyp, jaǵdaiy jaqsarǵan adamdardy dalalyq aýrýhanalarǵa aýystyrý tetigi josparlanǵan. Bir kún buryn Grýziiada 5 697 KVI tasymaldaýshysy anyqtaldy. Bul kórsetkish pandemiia kezindegi absoliýtti antirekord.
