Egde jastaǵy adamdarda koronavirýs shamamen 30% jaǵdaida aýyr ótedi, eresek adamdardyń 10%-y tynys alý apparatyna qosylady. Bul týraly N.I. Pirogov atyndaǵy RNIMÝ Resei gerontologiialyq ǵylymi-klinikalyq ortalyǵynyń direktory, RF Densaýlyq saqtaý ministrliginiń shtattan tys bas geriatry Olga Tkacheva aitty, dep habarlaidy TASS.
Sarapshy pandemiiaǵa bailanysty oqshaýlanýǵa májbúr bolǵan qart adamdardyń psihikalyq jaǵdaiyna da nazar aýdardy.
«Olarda áleýmettik bailanystardyń sany azaiyp, fizikalyq jáne tanymdyq belsendiligi tómendedi. Munyń bári qartaiý protsesin jedeldetedi», – dedi Tkacheva.
Onyń aitýynsha, ssyǵan bailanysty egde jastaǵy adamdarda bulshyqet massasy joǵalyp, kúshi tómendeidi (sarkopeniia damidy), qulap qalý qaýpi artady, osteoporoz, depressiia damidy, este saqtaý qabileti zardap shegedi.
«Bul sindromdy túzetý úshin arnaiy fizikalyq belsendilik pen tamaqtaný qoldanylady, aqýyz mólsheri artady. Jastarǵa biz dene salmaǵynyń 1 kg úshin 0,8 gaqýyzdy, al COVID-19-ben aýyratyn qart adamdarǵa dene salmaǵynyń 1 kg úshin 1,2 - den 1,5 g-ǵa deiin usynamyz», – dedi ol.
Sondai-aq, ol oqshaýlanýda bolǵan qart adamdarǵa ońaltý baǵdarlamalaryn ótý qajettigin eskertti.
«Biz egde jastaǵy patsientterdiń durys tamaqtanbaýy – malnýtritsiia sindromyna nazar aýdardyq. Bul jaǵdaidy odan saiyn ýshyqtyrady. Mysaly, tez qalypqa kelý úshin aqýyzdyń kóp mólsheri qajet, onda kaloriia mólsheri óte joǵary», dep tolyqtyrdy sarapshy.
