Dúniejúzilik densaýlyq saqtaý uiymynyń basshysy koronavirýs juqtyrǵandardyń sany 73 memlekette 90 myńnan asqanyn, álem «beimálim territoriiada» ekenin aitty, dep habarlaidy CNN.
«Byltyrǵy jyldyń jeltoqsan aiynan keiin koronavirýs Antarktidadan basqa qurlyqtardyń bárine tarady. Qazirgi tańda Qytaidan tys jerde qaza tapqandar sany 172 adamǵa jetti. Al álem boiynsha bul 3115-ti quraidy», dep jazady agenttik.
Osy kúnge deiin DDSU bul jaǵdaidy jahandyq pandemiia retinde jariialamaitynyn, biraq bul bolashaqta múmkin ekenin málimdegen edi.
«Qazir Qytaida aýrýdyń taralýy báseńdep, odan tys memleketterde artty. DDSU sońǵy 24 saǵatta koronavirýs Qytaidan basqa memleketterde 9 esege kóp anyqtalǵanyn málimdedi. Qazirgi tańda Ońtústik Koreia, Iran, Italiia aýrý oshaǵyna ainaldy», - dep jazylǵan maqalada.
Avtordyń aitýynsha, AQSh-tyń Vashington shtatynda virýs juqtyrǵandar sany júzden asyp, alty adamnyń qaitys bolǵany anyqtaldy.
