Daniia el turǵyndarynyń 85% astamyn koronavirýsqa qarsy vaktsinamen egip, barlyq shekteýdi ala bastady. Bul týraly Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram-kanalynda aityldy, dep habarlaidy QazAqparat.
Daniia Eýropalyq odaq elderi arasynda koronavirýsqa qarsy vaktsinatsiianyń joǵary deńgeiin kórsetýde. Osylaisha el pandemiia rejiminen shyǵyp, shekteýlerdi alyp tastaýda. Budan bylai el biligi COVID-19 virýsyn resmi túrde «qaýipti aýrý» dep sanamaidy dep málimdedi. Dúkender Rojdestvo merekesine betperdesiz jáne áleýmettik qashyqtyqsyz daiyndalýda. Dámhanalar men meiramhanalarǵa barý úshin QR-kodtar men vaktsinatsiia sertifikaty qajet emes. Elde 12 jastan asqan halyqtyń 85% astamy tolyq egildi. 60 jas tobyndaǵy barlyq derlik turǵyn vaktsina aldy. Aita ketý kerek, vaktsinatsiia boiynsha mundai joǵary kórsetkish Norvegiia men Shvetsiiada da bar.
Izrail úkimeti 5-11 jas aralyǵyndaǵy balalardy koronavirýsqa qarsy egýge daiyndyq júrip jatqanyn habarlady. Densaýlyq saqtaý ministrliginde túsindirý naýqany boiynsha daiyndyq júrýde. Túpkilikti sheshim AQSh-tyń, atap aitqanda FDA saraptama komissiiasynyń 5 jastan bastap 28 million amerikalyq balany immýndaý úshin Pfizer vaktsinasyn qoldanýǵa shuǵyl litsenziia berý týraly sheshim qabyldaýyna qatysty bolmaq. Eger vaktsinatsiia AQSh-ta maquldansa, Izrail Densaýlyq saqtaý ministrligi de bul máselege ruqsat beretin bolady.
