Qazaqstannyń Reseidegi Elshiliginiń Konsýldyǵy koronavirýs boiynsha ahýaldyń kúrdelenýine bailanysty azamattardy qabyldaýdy toqtatty, dep habarlaidy "Ult aqparat".
«Qurmetti azamattar! Máskeý qalasynda COVID-19 koronavirýs infektsiiasynyń taralýyna qatysty jaǵdaidyń nasharlaýyna bailanysty jáne barlyq kelýshilerdiń densaýlyǵy úshin qaýipsizdikti qamtamasyz etý maqsatynda 2021 jylǵy 24 maýsym men 8 shilde aralyǵynda Máskeýdegi Qazaqstan Respýblikasy Elshiliginiń Konsýldyq bólimi barlyq konsýldyq jáne memlekettik qyzmetter boiynsha azamattardy jeke qabyldaýdy ýaqytsha toqtatady.
Shuǵyl máseleler boiynsha 8-925-897-71-17 «jedel jeli» telefonyna qońyraý shalýdy suraimyz.
Qalǵan suraqtar boiynsha consul.moscow@mfa.kz elektrondyq poshta arqyly habarlasýǵa bolady», - delingen Elshiliktiń Telegram-kanalynda.
Málim etilgendei, 24 maýsym - 8 shilde aralyǵyna qabyldaýǵa jazylǵan azamattar keiingi kúnderi kezek tártibimen qabyldanady.
«Kelýshilerdi qabyldaýdy qaita bastaý týraly RF-daǵy QR Elshiliginiń internet-resýrstary arqyly qosymsha habarlanatyn bolady», - dep naqtylady vedomstvodan.
