Batys Qazaqstan oblysynda 1452 adam úi oqshaýlaýynda jatyr, dep habarlaidy BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Atap aitqanda, óńirde 413 adam em alyp jatsa, 319-y jazylyp shyqty.
Sondai-aq 22 adam provizorlyq, 102 adam karantindik statsionarda baqylanýda.
Oblysta sońǵy tirkelgen 40 adamnyń (ósim – 5,8 paiyz) 30-y – buryn koronavirýspen aýyrǵandarmen qarym-qatynasta bolǵandar. Al 5 adamnan profilaktikalyq maqsatta synama alynǵan kezde anyqtaldy.
Koronavirýs juqtyrǵan 2 adam – Reseide jumys isteitin Aqtóbe jáne Batys Qazaqstan oblysynyń turǵyndary. Olar «Syrym» avtoótkelinen ótkennen keiin karantindik statsionarǵa jatqyzylǵan.
Taǵy 3 adam – Teńiz ken ornynda vahtalyq ádispen jumys isteitin oblys turǵyndary.
Naýqastarmen bailanysta bolǵandar meditsinalyq baqylaýǵa alynyp, dezinfektsiialyq jumystar júrgizildi.
Osylaisha BQO-da aýyrǵandar sany 732-ge jetti.
Eske sala keteiik, budan buryn BQO-da koronavirýs juqtyrǵan eki jasar balanyń jaǵdaiy óte aýyr ekenin jazǵan bolatynbyz.
